raudhwal islamic group
Mfanyibiashara maarufu Zadock Ainea Agutu na sheikh Ahmed Mursal
‘Sudan’ kutoka Mandera wamefikishwa mahakamani hii leo kwa madai ya
kufadhili wanamgambo wa Al Shabaab.
Agutu alitiwa mbaroni katika uwanja wa ndege wa kimataifa wa Jomo Kenyatta baada ya kuwasili kutoka Somalia.
Polisi wanadai kuwa wawili hawa wamekuwa na mawasiliano na washirika wakuu wa Al Shabaab akiwemo Mohammed Kuno maarufu Dulyadin ama Gamadhere anayesakwa na polisi kwa madai ya kuhusika na mauaji ya Garissa.
Serikali imeahidi kima cha shilingi milioni 20 kwa yeyote atakayetoa habari kuhusu Dulyadin.
Agutu alitiwa mbaroni katika uwanja wa ndege wa kimataifa wa Jomo Kenyatta baada ya kuwasili kutoka Somalia.
Polisi wanadai kuwa wawili hawa wamekuwa na mawasiliano na washirika wakuu wa Al Shabaab akiwemo Mohammed Kuno maarufu Dulyadin ama Gamadhere anayesakwa na polisi kwa madai ya kuhusika na mauaji ya Garissa.
Serikali imeahidi kima cha shilingi milioni 20 kwa yeyote atakayetoa habari kuhusu Dulyadin.
Balozi wa Tanzania nchini Oman Mh. Ali Ahmed Saleh (aliyebeba mtoto) akiwa na baadhi ya kundi la Watanzania 18 waliookolewa kutoka Yemen ambako hakukaliki kutokana na vita. Hapa wananchi hao wapo katika uwanja wa ndege wa Muscat wakiwa njiani kurejeshwa nyumbani.
Viongozi wa dini ya kiislamu kutoka jamii ya Kisomali humu nchini wameikashifu serikali kwa kufunga hawala zao licha ya wao kuhusika pakubwa katika kupiga vita mienendo ya kundi la Al-shabaab.
Viongozi wa dini ya kiislamu kutoka jamii ya Kisomali humu nchini wameikashifu serikali kwa kufunga hawala zao licha ya wao kuhusika pakubwa katika kupiga vita mienendo ya kundi la Al-shabaab.
Shekh Mohammed Osman amepuzilia mbali madai kuwa viongozi wa dini ya kiisilamu hawawajibiki kuzuia makundi yenye itikadi kali na kusisitiza kuwa serikali haioni juhudi zao.
Aidha wamepinga hatua ya serikali ya kuhusisha misikiti na makundi yenye itikadi kali na kusema kuwa hatua hii inarudisha chini imani ya waislamu katika kupinga harakati za makundi ya kigaidi.
Wakizungumza baada ya kikao cha mashauriano jijini Nairobi, viongozi hao wameahidi kuanza kampeni ya kuhamasisha vijana dhidi ya makundi yenye itikadi kali kama njia ya kuepuka kujiunga na kundi la Al-shabaab.
MAAFISA wa polisi mjini Nyahururu nchini Kenya usiku wa kuamkia Alhamisi walitibua mpango wa watu wasiojulikana wakionya jamii ya waislamu kuhama mjini humo.
Kulingana na mkuu wa polisi Nyandarua kaskazini Benjamin Onsongo, karatasi Zenye ujumbe wa kuwataka Waislamu waondoke mjini humo zilianza kusambazwa Jumapili iliyopita.
Onsongo alisema ilani hiyo iliipa jamii hiyo makataa ya siku saba kuhama mji huo kwani wamekataa kutambulisha maadui wanaoivamia nchi ya Kenya.
“Tumeanzisha uchunguzi na tumewaongeza maafisa wa polisi wanaoshika doria katika eneo hilo na nina uhakika kuwa tutawatia mbaroni wahusika,” alisema Bw Onsongo.
Viongozi wa kiislamu wakiongozwa na Imam wa msikiti wa Jamia mjini Nyahururu Sheikh Mohamed Huka pamoja na mwenyekiti wa muungano wa Waislamu kaunti ya Laikipia Sheikh Isaack Osman waliambia jamii ya waislamu mjini humu kutoogopeshwa na ilani hizo kwani maafisa wa polisi wanalishughlikia suala hilo.
Sheikh Mohamed Huka wa msikiti wa Jamia, Nyahururu akiwa na moja
ya vijikaratasi vilivyosambazwa mji wa Nyahururu Alhamisi vikiwataka watu wa
dini ya Kiislamu wahame mji huo
“Karatasi hizi zinasambazwa na watu wachache ambao wanataka kututawanya kwa misingi ya kidini lakini hatutakubali kugawanywa, ninaamini kuwa Nyahururu ni mji wa amani,” alisema Osman.
Sheikh Huka alisema kuwa jamii ya Waislamu imekubali kukumbatia mfumo wa Nyumba Kumi ili kuinua usalama na kuwauliza kuwa na subira huku maafisa wa polisi wakiendeleza uchunguzi
Hatimaye kundi la kwanza lililo na wakenya 15 waliyokuwa nchini Yemen
wanatarajiwa kuwasili katika uwanja wa jomo kenyetta hii leo.
Kulingana na mkuregenzi wa masuala ya mataifa ya kigeni humu nchini
Washington Oloo ni kuwa serikali imekuwa ikiwasiliana na mataifa ya
china na India ilikusaidia kuwahamisha wakenya kutoka maeneo yaliyo
athirika zaidi na ghasia.
Oloo ameongeza kwa kusema kuwa zaidi ya wakenya 5000 wamekwama katika
taifa la yemen huku 53 wakitorokea nchi jirani ya Saudi Arabia.
Aidha takriban wakenya 250 wanaishi katika vitongoji vya mji mkuu wa
Sanaa nchini humu ikilinganishwa kuwa ni moja la eneo lilikumbwa na vita
hivyo.
Itakumbukwa kuwa mwanzoni mwa mwezi huu maeneo mengi nchini Yemen yameweza kuathirika na ghasia.
Hatimaye shughli za ujenzi wa ukuta wa mpaka wa Kenya na Somali umeanzishwa rasmi hii leo katika eneo la Kiunga kaunti ya Lamu.
Ujenzi huo umeanzishwa rasmi na kushuhudiwa na kamishna mkuu wa lamu Fredrick Ndambuki.
Aidha Ndambuki amesema kuwa madhumuni ya ujenzi huo ni kulinda
usalama na kuthibiti mashambulizi yanayo tekelezwa na kundi la
wapiganaji la Al-shabaab.
Hatahivyo ameonyesha matumaini ya kuwepo amani na usalama katika taifa la Kenya.
Mwili wa mwanamume huyo ulipatikana asubuhi ukinig’inia kwenye nguzo za transfoma hio huku nguo zake zikionekana kuwa zimeraruka.
OCPD wa Buruburu Richard Kerich alisema: “Mwanamume huyo alikanyaga nyaya zilizokuwa na umeme kupelekea kwake kuangukia nyaya zengine zenye umeme na kusababisha kifo chake.”
Mafuta ya transfoma yanaaminika kutumiwa katika kukaanga viazi ili kutengeza chipsi.
Polisi bado hawajabaini mtu huyo ni nani na mwili wake kupelekwa katika chumba cha kuhifadhia maiti cha jiji la Nairobi.
chanzo: jaridaleo
Mkufunzi
ambaye pia ni mtaalamu mshauri wa Unesco, katika masuala ya utalii
endelevu, James Banks akiendesha mafunzo kwenye warsha ya siku nne ya
kutengeneza mkakati wa utalii endelevu hifadhi ya Ngorongoro
iliyomalizika mwishoni mwa wiki mji mdogo wa Karatu, mkoani Arusha na
kuandaliwa na Shirika la UNESCO kwa kushirikiana na Ngorongoro
Conservation Area Authority (NCAA). Pichani chini kulia ni Mmoja wa
wakufunzi wa warsha hiyo, Tamim Amijee.(Picha zote na Zainul Mzige wa modewjiblog)
Na modewjiblog, Karatu
SHIRIKA
la Umoja wa Mataifa la Elimu, Sayansi na Utamaduni (UNESCO)
likishirikiana na Mamlaka ya Hifadhi ya Ngorongoro (NCAA) wameandaa
kongamano la siku nne lililofanyika mjini hapa kuangalia mkakati mpya wa
kuendeleza utalii kama kitovu cha mapato katika hifadhi ya Ngorongoro.
Kongamano
hilo ni moja ya makongamano kadhaa ambayo yameandaliwa kwa pamoja kwa
lengo la kutoa mwelekeo mpya katika hifadhi hiyo ambayo binadamu na
wanyama huishi pamoja.
Akizungumza
na mtandao huu Mkurugenzi Mkazi wa Shirika la Umoja wa Mataifa la elimu
sayansi na utamaduni (UNESCO), Zulmira Rodrigues, alisema kwamba
kongamano hilo limeandaliwa kwa lengo la kujenga uwezo kwa wadau
mbalimbali wa sekta ya utalii kutambua haja ya utalii endelevu ambao pia
utazingatia maslahi ya wananchi wanaoishi katika eneo hilo.
Alisema
wakati NCAA inaangalia upya mkakati wake wa maendeleo katika hifadhi
hiyo ambayo pia ni urithi wa dunia, UNESCO kama washirika wa karibu
wamekubaliana kuendesha kongamano ambapo wadau wote kuanzia wananchi
wanaoishi katika hifadhi hiyo na waendesha utalii zikiwemo hoteli na
watawala kuangalia namna bora ya kuendesha hifadhi na kuneemesha
wananchi.
Zulmira
alisema kwamba hifadhi hiyo inaingiza fedha nyingi ambazo zingeweza pia
kuwafikia wananchi moja kwa moja kwa kuanzisha mikakati ambayo
inahusisha wananchi wenyewe na wadua mbalimbali wa sekta hiyo.
Alisema
kwamba idadi ya watalii wanaoingia hapo wanaingiza fedha nyingi
serikali kuu lakini kiasi hicho hakionekani wazi wazi kwa wananchi na
hivyo ipo haja ya kuangalia mwelekeo mpya ambao utaendelea kuhifadhi
urithi huo huku wananchi wake wakifaidika na uwapo wa urithi huo.
Wakati
wa kongamano hilo washiriki walifanya ziara katika maeneo mbalimbali ya
kitalii kabla ya kufanya majadiliano na kuweka mwelekeo wa namna bora
ya kutengeneza mkakati utakaoshirikisha wadau wote wa utalii katika eneo
hilo.
Alisema
kwa muda mrefu tangu hifadhi hiyo iwe urithi UNESCO na NCAA walikuwa
wakiangalia zaidi suala la hifadhi kiasi cha wananchi kuona kama
wameachwa nyuma hivyo mkakati wa sasa ni kuwawezesha wananchi kufaidi
matunda ya urithi huo kwa kila kada kupewa wajibu wake na kuona namna ya
kuutekeleza ili ndoto iwe kweli.
Mkufunzi ambaye pia ni mtaalamu mshauri wa Unesco, katika masuala ya
utalii endelevu, James Banks akiwaelekeza jambo washiriki wa warsha hiyo
iliyomalizika mwishoni mwa wiki mji mdogo wa Karatu, mkoani Arusha.
“Tumedhamiria
kujenga uwezo… kusaidia wananchi kuongeza kipato chao kutoka kwa
watalii … ukiangalia katika kreta unaweza kuona magari mengi yakiwa na
watalii… tunataka watu wanaoishi katika eneo hili pia wafaidike …”
alisema.
Hifadhi
hii inatambulika duniani kwa kreta yake kubwa, mbuga yenye wanyama
wengi na eneo ambalo inasadikiwa binadamu wa kwanza aliishi kabla ya
kutawanyika duniani
Ikiwa
na ukubwa wa kilomita za mraba 8,300 Hifadhi ya Ngorongoro ndio hifadhi
pekee duniani ambapo wanadamu wanaishi pamoja na wanyama kwa usalama.
NCA
ilianzishwa mwaka 1971na kutangazwa kuwa urithi wa dunia na UNESCO mwaka
1979 lakini kwa muda sasa kumekuwepo na mawazo kwamba dhima kubwa
imekuwa kulinda wanyama na mazingira na kusahaua kwamba pale pana
binadamu ambao wanamahitaji na wanataka kufaidika pia na mazingira
ambayo wanayalinda.
Pichani
juu na chini ni washiriki na wadau wa sekta ya utalii kwenye warsha ya
siku nne ya kutengeneza mkakati wa utalii endelevu hifadhi ya Ngorongoro
iliyomalizika mwishoni mwa wiki mji mdogo wa Karatu, mkoani Arusha na
kuandaliwa na Shirika la UNESCO kwa kushirikiana na Ngorongoro
Conservation Area Authority (NCAA).
Kwa mwaka zaidi ya watalii 450,000 huzuru Ngorongoro ikiwa ni asilimia 60 ya watalii wanaofika nchini.
Mtaalamu
mshauri wa Unesco, James Banks, ameelezea kufurahishwa kwake na
kongamano hilo na kusema kwamba linatoa mwanya wa wadau mbali mbali
muhimu Ngorongoro kuona mwelekeo mpya unaostahili kuchukuliwa ili kuwa
na utalii endelevu.
Alisema
matokeo ya mkakati huo sio tu utaongeza mapato serikalini bali pia
utaimarisha utalii kutokana na ushiriki wa moja kwa moja wa jamii
zinazoishi ndani ya hifadhi hiyo.
Mshiriki
mwingine wa kongamano hilo Flora Assey, Afisa Utalii kutoka ofisi ya
Mkuu wa mkoa wa Arusha alielezea kufurahishwa na kongamano hilo hasa kwa
kuchukua mlengo wa masomo kwa vitendo hali ambayo anaamini itabadili
kabisa utekelezaji wa mkakati unaobuniwa kwa sasa.
Naye
Meneja mkuu wa Ngorongoro Serena Safari Lodge, Dismas Simba alielezea
kuridhishwa kwake na kongamano hilo na kusema litawezesha wadau wote
kufanyakazi kwa pamoja kuhakikisha kwamba utalii unakuwa endelevu katika
eneo hilo hasa kwa kuzingatia kwamba eneo hilo ndilo pekee duniani
ambako wanyama na wanadamu wanaishi pamoja.
Naye
Ofisa Mwandamizi wa Miradi na Mratibu wa UNESCO katika masuala ya urithi
wa dunia na utalii endelevu, Peter DeBrine amepongeza hatua iliyofikiwa
na wadau katika kongamano hilo na kusema raundi ya pili Juni mwaka huu
itatoa mwangaza zaidi kwani utarejesha majibu ya maswali ambayo kila mtu
amepewa kuyafanyia kazi.
Alisema
amefurahishwa na kiwango cha kujituma cha wajumbe waliofika katika
kongamano hilo na kusema kwa jinsi ilivyo mabadiliko yanayofikiriwa na
NCAA yatafanikiwa ili wananchi nao wawe wanafaidika moja kwa moja na
uwapo wa urithi huo wa dunia katika maisha yao.
Flora
Assey, Afisa Utalii kutoka ofisi ya Mkuu wa mkoa wa Arusha akinakili
mambo muhimu wakati wa kuhitimisha warsha hiyo ya siku nne iliyofanyika
katika ukumbi wa mikutano Kudu Lodge and Campsite iliyopo mji mdogo wa
Karatu mkoani Arusha.
Mwenyekiti
wa Baraza la wakina Mama kata ya Oloirobi, Kijiji cha Mokilal mkoani
Arusha, SEKETO OLDUMU akishiriki kwenye kikundi kazi wakati wa warsha ya
siku nne ya kutengeneza mkakati wa utalii endelevu hifadhi ya
Ngorongoro iliyomalizika mwishoni mwa wiki mji mdogo wa Karatu, mkoani
Arusha na kuandaliwa na Shirika la UNESCO kwa kushirikiana na Ngorongoro
Conservation Area Authority (NCAA).
Meneja
Mkuu wa Ngorongoro Crater Lodge | &BEYOND, Markus Schroeder (kulia)
akishiriki kuchangia maoni wakati wa warsha ya siku nne ya kutengeneza
mkakati wa utalii endelevu hifadhi ya Ngorongoro iliyomalizika mwishoni
mwa wiki mji mdogo wa Karatu, mkoani Arusha. Kushoto ni Mkurugenzi Mkazi
wa Shirika la Umoja wa Mataifa la elimu sayansi na utamaduni (UNESCO)
Zulmira Rodrigues.
Kwa matukio zaidi bofya hapa
Pichani
juu na chini ni baadhi ya majengo yaliyokamilika ya Shule ya msingi
Kakuni yaliyojengwa na Waziri Mkuu Pinda kupitia michango ya wadau wa
maendeleo.
Na Andrew Chale wa modewji blog
Kila
mmoja wetu anatambua mchango mkubwa wa elimu hasa ile inayotolewa
ikiwemo ngazi ya Awali, Msingi, Sekondari na elimu ya juu ikiwemo chuo.
Pia katika hilo ni jamb la msingi sana na la maana hasa unapokumbuka
mahala ulipopatia elimu husika.
Mtandao huu wa Mo dewjii blog
tunapenda kuungana na kumpongeza Waziri Mkuu, Mizengo Pinda kwa juhudi
zake za dhati kabisa katika kuhakikisha shule yake aliyowahi kusoma hapo
inasaidiwa na kufikia malengo yake.
Waziri
Mkuu alipaata elimu yake katika Shule ya msingi Kakuni. Kwa kusoma hapo
darasa la kwanza hadi la nne. Lakini kwa mapenzi mema na juhudi za
kutaka kuona watoto wa hali ya chini hasa wa wakulima wanapata elimu
bora, kwa juhudi zake binafsi, ameweza kusaidia shule hiyo ikiwemo
kutafuta wafadhili mbalimbali wa kuipiga tafu, akiwa kama Mizengo Pinda.
Ambapo unaweza kusoma kiunganishi hichi hapa cha mtandao ili kusoma
habari hiyo zaidi ya wadau kumuunga Waziri Mkuu Pinda katika kuisaidia
shule ya Kakuni: http://dewjiblog.com/2015/03/11/japan-yachangia-sh-milioni-160-shule-ya-msingi-kakuni/
Mtandao
huu unapongeza juhudi hizo za Waziri Mkuu Mizengo Pinda hivyo pia nawe
ukiwa ni miongoni mwa unayeguswa na maendeleo ya elimu hapa nchini, ni
wakati wa kutembelea shule yako uliosoma awali iwe elimu ya ‘vidudu’
yaani Chekechea/Awali, Shule ya Msingi ama Sekondari basi ni wakati wa
kurejea na kusaidia chochote kile ili kuendeleza Elimu hapa Nchini.
Bila
shaka kama Watanzania tutaiga juhudi hizi za Waziri Mkuu Mizengo Pinda,
bila shaka elimu ya Tanzania itapanda maradufu kwani tumeweza kushuhudia
kwa upande wa juhudi hizo za Mizengo Pinda ikiwemo kushawishi wadau
ikiwemo Serikali ya Japan, kutoa msaada wa dola za Marekani, 90,286,
ambazo ni sawa na Sh. Milioni 160.
Fedha
hizo ni kwa ajili ya kusaidia ujenzi wa Shule ya Awali kwenye Shule ya
Msingi, Kakuni iliyopo kijiji cha Kibaoni, Wilaya ya Mlele, Mkoa wa
Katavi.
Waziri Mkuu wa Jamhuri ya Muungano wa Tanzania, Mh. Mizengo Pinda.
Juhudi
za Mizengo Pinda za kuanzisha wazo hilo la kusaidia kuijenga shule yake
ni kama njia ya kumshukuru Mungu na kuwashukuru wananchi waliosaidia
kumfikisha hapo alipo.
Kwani alipata kusoma darasa la kwanza hadi la nne katika shule ya msingi Kakuni mwaka 1957 hadi 1960.
Hivyo,
tunatambua wapo wasomi wengi, wapo wabunge, wapo Mawaziri, wapo
Wakurugenzi na wengine wenye vyeo vikubwa Serikali, sekta binafsi na
waliopo ndani nje ya nchi, shime tujitokeze kwa wingi kwa kila mmoja
kwenda kwenye shule aliyosoma na kuchangia chochote.
Tunatambua sisi tumepata elimu wakati gani na kiwango cha elimu wakati
huo kilikuwaje, hivyo tutakapojitokeza kama alivyofanya Waziri Mkuu
Mizengo Pinda, hii itasaidia kukuza elimu yetu hapa Nchini.
Muonekano
wa majengo yaliyokamili ya shule ya msingi Kakuni alipopata elimu ya
msingi Waziri Mkuu Pinda na kuamua kuijenga upya kwa gharama ya zaidi ya
Shilingi bilioni 1.3/- kutokana na michango ya wadau mbalimbali wa
maendeleo.
Baadhi ya wanachama wa Chama cha
Madaktari wa Kinywa na Meno Tanzania na wananchi wkishiriki matembezi ya
amani wakati wa hafla ya uzinduzi wa Wiki ya Afya ya Kinywa na Meno
jana jijini Dar es Salaam.
Waziri wa Habari, Vijana,
Utamaduni na Michezo Mhe. Dkt. Fenella Mukangara (MB) na wanachama wa
Chama cha Madaktari wa Kinywa na Meno Tanzania (TDA) wakati wa hafla ya
uzinduzi wa Wiki ya Afya ya Kinywa na Meno iliyofanyika katika viwanja
vya Salender Bridge Club jana jijini Dar es Salaam. Uzinduzi huo
uliambatana na matembezi ya hiari yalioyoanzia katika viwanja hivyo na
kupitia Barabara ya Diomond Jubilee kabla ya kurudi uwanjani hapo
kupitia barabara ya AlhasanMwinyi na Kauli mbiu ya wiki ya Afya ya
Kinywa ni “Tabasamu la Maisha” Katikati ni Rais wa Chama Cha Madaktari
wa Kinywa na Meno Tanzania (TDA) Dkt. Lorna Carneiro na wa mwisho kulia
ni Rais Mteule wa Chama hicho Dkt. Ambege Mwakatobe.
Waziri wa Habari, Vijana,
Utamaduni na Michezo Mhe. Dkt. Fenella Mukangara (MB) akipeana mkono na
Rais wa Chama Cha Madaktari wa Kinywa na Meno Tanzania (TDA) Dkt. Lorna
Carneiro (kulia) jana jijini Dar es Salaam wakati wa hafla ya uzinduzi
wa Wiki ya Afya ya Kinywa na Meno.
Baadhi ya Wanachama wa Chama cha
Madaktari wa Kinywa na Meno Tanzania (TDA) na baadhi ya wananchi
waliojitokeza katika hafla ya uzinduzi wa Wiki ya Afya ya Kinywa na Meno
wakisikiliza hotuba ya mgeni rasmi katika hafla hiyo Waziri wa Habari,
Vijana, Utamaduni na Michezo Dkt. Fenella Mukangara (hayupo pichani)
jana jijini Dar es Salaam.
Waziri wa Habari, Vijana,
Utamaduni na Michezo Mhe. Dkt. Fenella Mukangara (MB) akiangalia baadhi
ya machapisho yanayohusu Afya ya Kinywa na Meno kwenye banda lililowekwa
katika Viwanja vya Salender Bridge Club jana jijini Dar es Salaam
alipokuwa mgeni rasmi katika hafla ya uzinduzi wa Wiki ya Afya ya Kinywa
na Meno. Kushoto ni Rais wa Chama Cha Madaktari wa Kinywa na Meno
Tanzania (TDA) Dkt. Lorna Carneiro.
Waziri wa Habari, Vijana,
Utamaduni na Michezo Mhe. Dkt. Fenella Mukangara (MB) (wapili kutoka
kushoto) akiwa katika matembezi ya amani ikiwa ni katika hfla ya
uzinduzi wa Wiki ya Afya ya Kinywa na Meno jana jijini Dar es Salaam.
Baadhi ya wanachama wa Chama cha
Madaktari wa Kinywa na Meno Tanzania na wananchi wkishiriki matembezi ya
amani wakati wa hafla ya uzinduzi wa Wiki ya Afya ya Kinywa na Meno
jana jijini Dar es Salaam.
Picha na Kitengo cha Mawasiliano Serikalini/WHVUM.
Rais Jakaya Mrisho Kikwete akipata
maelezo toka kwa Mkuu wa Wilaya ya Kahama Mhe Benson Mpesya juu ya
madhara makubwa ya mali na maisha ya watu wakati wa ziara maalum ya
kutoa pole kwa wahanga wa mvua iliyoandamana na mawe na kusababisha
upotevu wa maisha ya watu na uharibifu mkubwa wa mali katika vijiji
vitatu vya Kata ya Mwakata, Wilaya ya Kahama, Mkoa wa Shinyanga.
Rais Jakaya Mrisho Kikwete
akizungumza na familia zilizoathirika na mvua kali iliyoandamana na
mawe na kusababisha upotevu wa maisha ya watu na uharibifu mkubwa wa
mali katika vijiji vitatu vya Kata ya Mwakata, Wilaya ya Kahama, Mkoa wa
Rais Jakaya Mrisho Kikwete
akikagua baadhi ya makazi ya dharura kwa familia zilizoathirika na mvua
kali iliyoandamana na mawe na kusababisha upotevu wa maisha ya watu na
uharibifu mkubwa wa mali katika vijiji vitatu vya Kata ya Mwakata,
Wilaya ya Kahama, Mkoa wa Shinyanga.
Rais Jakaya Mrisho Kikwete akitoa
pole kwa familia zilizoathirika na mvua kali iliyoandamana na mawe na
kusababisha upotevu wa maisha ya watu na uharibifu mkubwa wa mali katika
vijiji vitatu vya Kata ya Mwakata, Wilaya ya Kahama, Mkoa wa Shinyanga.
Rais Jakaya Mrisho Kikwete akiwapa
mkono wa pole waalimu wa shule ya msingi ya Mwakata, wilaya ya Kahama,
Mkoa wa Shinyanga, ambao pia ni waathirika wa mvua kali iliyoandamana
na mawe na kusababisha upotevu wa maisha ya watu na uharibifu mkubwa wa
mali katika vijiji vitatu vya Kata ya Mwakata, Wilaya ya Kahama, Mkoa wa
Shinyanga.
Rais Jakaya Mrisho Kikwete
akihutubia mamia ya wananchi baada ya kutembelea na kuzifariji familia
zilizoathirika na mvua kali iliyoandamana na mawe na kusababisha upotevu
wa maisha ya watu na uharibifu mkubwa wa mali katika vijiji vitatu vya
Kata ya Mwakata, Wilaya ya Kahama, Mkoa wa Shinyanga.
……………………………………………………………………………….
Rais wa Jamhuri ya Muungano wa
Tanzania, Mheshimiwa Jakaya Mrisho Kikwete leo, Alhamisi, Machi 12,
2015, amefanya ziara maalum ya kutoa pole kwa wahanga wa mvua
iliyoandamana na mawe na kusababisha upotevu wa maisha ya watu na
uharibifu mkubwa wa mali katika vijiji vitatu vya Kata ya Mwakata,
Wilaya ya Kahama, Mkoa wa Shinyanga.
Rais Kikwete amewasili mjini Kahama kiasi cha saa nane mchana baada ya ndege yake kutua kwenye Uwanja wa Ndege wa Mgodi wa Buzwagi na kwa muda wa kiasi cha saa tatu ametembelea familia ambazo zimepata madhara makubwa zaidi kutokana na mvua hiyo iliyonyesha kwa kiasi cha saa moja tu kuanzia saa nne usiku Machi 3, mwaka huu, 2015 na kuambana na upepo mkali na mawe.
Watu 47 walipoteza maisha, 112 wakaumia, nyumba 657 zikabomolewa ama kuharibiwa na kaya 468 kuathirika katika vijiji vitatu vya Kata ya Mwakata na tokea siku ya maafa, Serikali imetoa huduma za dharura za chakula, sehemu za kulala, huduma za afya na huduma nyingine muhimu kwa binadamu.
Baada ya kupatiwa maelezo ya kina na uongozi wa Mkoa wa Shinyanga chini ya Mkuu wa Mkoa wa Shinyanga, Mheshimiwa Ali N. Lufunga, Rais Kikwete ameanzia ziara yake katika Kijiji cha Maghuhumwa, nyumbani kwa Bwana Masemba Maburi, ambaye alipoteza watoto watano katika maafa hayo. Rais Kikwete ametoa pole kwa wafiwa na kuzungumza na wananchi waliokuwepo kwenye msiba.
Bwana Maburi ambaye sasa anaishi katika nyumba ya jirani pamoja na familia yake na familia nyingine tatu amemweleza Rais Kikwete jinsi nyumba mbili ambako watoto hao na mama yao walipokuwa wamelala zilivyoanguka na mama huyo akalazimika kukimbilia nje kwa nia ya kutafuta msaada lakini watoto wakazidiwa na kupoteza maisha.
“Sijawahi kuona mvua kubwa, kali na yenye upepo mkali kiasi kile katika maisha yangu. Mvua ilianza saa nne usiku na ikanyesha kwa muda mfupi sana, nyumba zikaanguka ama kubomolewa. Jameni tusaidie kwa sababu tumekwazika,”Bwana Maburi amemwambia Rais Kikwete.
Baada ya kutoka katika Kijiji cha Maghuhumwa, Rais Kikwete amekwenda katika Kijiji cha Nhumbi ambako amempa pole Bwana Zacharia Limbe na familia yake ambayo ilipoteza wajukuu wanne katika maafa hayo ya mwanzoni mwa mwezi huu.
Akiwa nyumbani kwa Bwana Limbe, Rais Kikwete ametembea na kujionea makazi mapya ya dharura ya familia ambayo yamejengwa kwa msaada wa Serikali.
Baada ya kuondoka kwa Bwana Limbe, Rais Kikwete ametembelea eneo la makazi ya walimu wa Shule ya Msingi ya Mwakata, ambako walimu hao wamehifadhiwa katika fremu za maduka kutokana na athari za maafa hayo. Rais Kikwete amewapa pole walimu hao na kuwaambia: “Pole sana. Tuko pamoja. Tutaendelea kusaidiana kuona jinsi gani mnavyoweza kurejea katika maeneo yenu ya makazi ya kawaida.”
Rais Kikwete ataondoka kesho, Ijumaa, Machi 13, 2015, kurejea Dar es Salaam baada ya ziara hiyo maalum ya siku mbili katika Mkoa wa Shinyanga.
Rais Kikwete amewasili mjini Kahama kiasi cha saa nane mchana baada ya ndege yake kutua kwenye Uwanja wa Ndege wa Mgodi wa Buzwagi na kwa muda wa kiasi cha saa tatu ametembelea familia ambazo zimepata madhara makubwa zaidi kutokana na mvua hiyo iliyonyesha kwa kiasi cha saa moja tu kuanzia saa nne usiku Machi 3, mwaka huu, 2015 na kuambana na upepo mkali na mawe.
Watu 47 walipoteza maisha, 112 wakaumia, nyumba 657 zikabomolewa ama kuharibiwa na kaya 468 kuathirika katika vijiji vitatu vya Kata ya Mwakata na tokea siku ya maafa, Serikali imetoa huduma za dharura za chakula, sehemu za kulala, huduma za afya na huduma nyingine muhimu kwa binadamu.
Baada ya kupatiwa maelezo ya kina na uongozi wa Mkoa wa Shinyanga chini ya Mkuu wa Mkoa wa Shinyanga, Mheshimiwa Ali N. Lufunga, Rais Kikwete ameanzia ziara yake katika Kijiji cha Maghuhumwa, nyumbani kwa Bwana Masemba Maburi, ambaye alipoteza watoto watano katika maafa hayo. Rais Kikwete ametoa pole kwa wafiwa na kuzungumza na wananchi waliokuwepo kwenye msiba.
Bwana Maburi ambaye sasa anaishi katika nyumba ya jirani pamoja na familia yake na familia nyingine tatu amemweleza Rais Kikwete jinsi nyumba mbili ambako watoto hao na mama yao walipokuwa wamelala zilivyoanguka na mama huyo akalazimika kukimbilia nje kwa nia ya kutafuta msaada lakini watoto wakazidiwa na kupoteza maisha.
“Sijawahi kuona mvua kubwa, kali na yenye upepo mkali kiasi kile katika maisha yangu. Mvua ilianza saa nne usiku na ikanyesha kwa muda mfupi sana, nyumba zikaanguka ama kubomolewa. Jameni tusaidie kwa sababu tumekwazika,”Bwana Maburi amemwambia Rais Kikwete.
Baada ya kutoka katika Kijiji cha Maghuhumwa, Rais Kikwete amekwenda katika Kijiji cha Nhumbi ambako amempa pole Bwana Zacharia Limbe na familia yake ambayo ilipoteza wajukuu wanne katika maafa hayo ya mwanzoni mwa mwezi huu.
Akiwa nyumbani kwa Bwana Limbe, Rais Kikwete ametembea na kujionea makazi mapya ya dharura ya familia ambayo yamejengwa kwa msaada wa Serikali.
Baada ya kuondoka kwa Bwana Limbe, Rais Kikwete ametembelea eneo la makazi ya walimu wa Shule ya Msingi ya Mwakata, ambako walimu hao wamehifadhiwa katika fremu za maduka kutokana na athari za maafa hayo. Rais Kikwete amewapa pole walimu hao na kuwaambia: “Pole sana. Tuko pamoja. Tutaendelea kusaidiana kuona jinsi gani mnavyoweza kurejea katika maeneo yenu ya makazi ya kawaida.”
Rais Kikwete ataondoka kesho, Ijumaa, Machi 13, 2015, kurejea Dar es Salaam baada ya ziara hiyo maalum ya siku mbili katika Mkoa wa Shinyanga.
………………………..
Imetolewa na;
Kurugenzi ya Mawasiliano ya Rais,
Ikulu – Dar es Salaam.
12 Machi, 2015
Kurugenzi ya Mawasiliano ya Rais,
Ikulu – Dar es Salaam.
12 Machi, 2015
Askari Wanafunzi(Recruits) wa
Mafunzo ya Awali ya Uaskari Magereza Kozi Na. 27 wakiendelea na masomo
kwa vitendo katika Gwaride la silaha kama wanavyoonekana kikakamavu
wakiwa na Walimu wao uwanjani huku silaha zao zikiwa begani.
Askari Wanafunzi wa Mafunzo ya
Awali ya Uaskari Magereza wakiendelea na masomo ya Darasani. Katika
Mafunzo hayo hujifunza masomo mbalimbali ikiwemo Utawala na Uendeshaji
wa Magereza, Sheria zinazoongoza Jeshi la Magereza, Ustawi wa Jamii,
Afya, Uraia na Utawala na Uongozi
(Picha zote na Lucas Mboje wa Jeshi la Magereza)
Mmoja
wa wakunga wa jadi Bi. Namboto Sheha Kombo akielezea jinsi wanavyofanya
kazi zao za ukunga katika mkutano uliofanyika Hospitali ya Kivunge Mkoa
wa kaskazini “A” Unguja.
Naibu
Waziri wa Afya Zanzibar Mahamoud Thabit Kombo akizungumza na wakunga wa
jadi, na kuwataka washirikiane na watalaam wa Afya katika kazi zao ili
kupunguza vifo vya Akinamama na watoto.
Msaidizi
daktari dhamana Hospitali ya Muembe ladu Ruzuna A.M. Shamte
akifahamisha kitu katika mkutano wa wakunga wa jadi na watalam wa afya
huko Kivunge Mkoa wa kaskazini “A” Unguja.
Baadhi
ya Wakunga wa Jadi na watalam wa Afya waliofika katika mkutano wa
kukuza mashirikiano huko Kivunge Mkoa wa kaskazini “A” Unguja
wakimsikiliza Naibu Waziri wa Afya Zanzibar Mahamoud Thabit Kombo
(hayupo pichani) alipokuwa akizungumza nao. 
Dkt.
Dhamana Hospitali ya Kivunge Khamis Hamad Ali akitoa nasaha zake katika
mkutano wa Wakunga wa Jadi na watalam wa Afya wa kukuza
mashirikiano katika kufanya kazi zao. Picha na Makame Mshenga- Maelezo
Zanzibar.
…………………………………………………………………………………….
…………………………………………………………………………………….
Na Abdulla Ali Maelezo-Zanzibar
Dawa za Kienyeji wanazopatiwa kina
mama wajawazito kutoka kwa Wakunga wa Jadi wakati wa kujifungua
husababisha matatizo ya kiafya kwa watoto wanaotarajiwa kuzaliwa pamoja
na akina mama hao.
Hayo yameelezwa na Naibu Waziri wa
Afya Zanzibar Mhe. Mahamoud Thabit Kombo wakati akizungumza na Wakunga
wa Jadi wa Vijiji vya Wilaya ya Kaskazini “A” Unguja katika ukumbi wa
mikutano wa Hospitali kuu ya Mkoa wa Kaskazini Unguja iliyopo katika
kijiji cha Kivunge mkoani hapo.
Amesema kuwa dawa hizo hua
zinahatarisha zaidi maisha ya kina mama wajawazito na watoto
wanaotarajiwa kuzaliwa hususan kwa akina mama wenye viashiria hatari
wakati wa ujauzito ikiwemo maradhi ya Presha na Sukari ambayo yanaweza
kusababisha kupoteza uhai wao kwa haraka zaidi.
Naibu Waziri huyo amesema ipo haja
kwa Wakunga wa Jadi kuwafikisha kina mama wajawazito katika Vituo vya
Afya pindi wanapobaini kuwa kina mama hao wana matatizo ya kiafya au
mtoto kuleta matatizo wakati wa kujifungua na kuacha kung’ang’ania
kuwazalishia nyumbani ili kuokoa maisha ya mtoto na mama mja mzito.
Kwa upande wake Daktari Dhamana wa
Hospitali ya Kivunge Nd. Khamis Hamad Ali amesema ipo haja kwa Wakunga
wa Jadi kushirikiana na Wizara ya Afya Zanzibar ili kufanikisha zoezi la
uzalishaji wa kina mama kwa usalama zaidi pamoja na kuwaomba Wakunga
hao kwenda nao wagonjwa katika vituo vya afya kwa kupata uangalizi wa
kitaalamu zaidi.
Amesema watoto wengi hupata
matatizo ya magonjwa yakiwemo ya Kifafa na Utaahira kutokana na uchungu
mkali unaowapata kina mama wakati wa kujifungua hususan kwa wale
wanaojifungulia kwa Wakunga wa Jadi kwani wakunga hao huwa hawana vifaa
vya kupunguza makali ya uchungu wa kina mama hao ikiwemo sindano maalum
wanazochomwa kina mama kwa ajili ya kupunguza uchungu huo.
Sambamba na hayo Dkt. Khamis
amesema inaripotiwa kuwa 5% – 15% ya wanawake wote Duniani huwa wanapata
matatizo wakati wa kujifungua pamoja na kuwaomba kina mama kuwa wawazi
kuelezea matatizo waliokwisha kuyapata kabla ya siku za kujifungua
kufika pindi wanapokwenda katika vituo vya afya ili kurahisisha
uzalishaji huo.
Nae Muuguzi Mkuu wa Hospitali ya
Muembe Ladu Zanzibar Dkt. Ruzuna Abdulrahman Moh’d amesema ipo haja kwa
Wakunga wa Jadi kupatiwa Taaluma na Elimu ya kisasa ili waendelee
kuisaidia Serikali kwa kuwazalisha kina mama wajawazito kwa njia za
kisasa na zilizo salama zaidi.
Ametanabahisha kuwa dawa za
kienyeji zinaweza kutumika kwa kina mama waliokwisha kujifungua ikiwa
mtoto amezaliwa bila ya matatizo yoyote ya kiafya.
Nao Wakunga wa Jadi wa Wilaya
Kaskazini “A” Unguja wamesema kuwa akina mama wengi waja wazito huwa
wanakimbia kwenda kuzalia Hospitali ili kukimbia manyanyaso wanayoyapata
kutoka kwa madaktari hususan kutoka kwa madktari wadogo na hivyo
kuwaomba madaktari hao kujirekebisha kitabia ili kuokoa maisha ya kina
mama na watoto kwa maendeleo ya Taifa.
Aidha wamewaomba madaktari kutoka
serikalini kuendelea kutoa elimu ya uzazi kwa akina mama na Wakunga wa
Jadi pamoja na kuwaasa wananchi wenzao hususan kina mama kwa
kuyasikiliza na kuyafanyia kazi yale yanayotolewa na Wataalamu wa Afya
kwa lengo la kujiongezea ujuzi katika kazi yao ya uzalishaji wa akina
mama.
Waziri
Mkuu, Mizengo Pinda akisalimiana na balozi wa Kuwait nchini, Mhe Jaseem
Al Najem kabla ya mazungumzo yao, ofisini kwa Waziri Mkuu jijini Dar es
salaam Machi 9, 2015. (Picha na ofisi ya Waziri Mkuu)
Waziri
Mkuu, Mizengo Pinda akizungumza na balozi wa Kuwait nchini, Mhe. Jaseem
Al Najem, Ofisini kwake jijini Dar es salaam Machi 9, 2015. Katikati ni
Ofisa wa Wizara ya Mambo ya Nje na Ushirikiano wa Kimataifa, Batholomeo
Jungu. (Picha na Ofisi ya Waziri Mkuu) 
Waziri
Mkuu, Mizengo Pinda akiagana na balozi wa Kuwait nchini mara baada ya
kufanya mazungumzo naye wakati alipokutana naye ofisini kwake jijini Dar
es salaam leo.
Waziri wa Mifugo na Uvuvi Zanzibar Mhe Abdilah
Jihad Hassan amesema kuwa Serikali itaendelea kuandaa mazingira bora ya
wavuvi ikiwa ni pamoja na kujenga masoko ya kisasa ili kuimarisha
sekta ya uvuvi na kuzalisha ajira kwa wananchi .
Amesema kuwa wananchi wengi wa Visiwa vya Zanzibar
wanategemea sekta ya Uvuvi kuendesha shughuli zao za uchumi na kueleza
kwamba jumla ya watu 34,000 wamejiajiri kupitia sekta ya uvuvi ambapo
kupatikana kwa masoko ya kisasa kutaongeza ajira kwa wananchi .
Kauli hiyo ameitoa wakati akikabadhi soko la Tumbe Wilaya ya Micheweni kwa Mkuu wa Mkoa wa Kaskazni Pemba , ambalo limejengwa na kampuni ya Ngogo ya Iringa na kugharimu zaidi ya shilingi milioni 712.
Aidha waziri jihad amewataka wananchi wa Wilaya ya Micheweni kulitumia soko hilo kwa kufuata mila , silka na tamaduni wa watu wa Tumbe .
Kauli hiyo ameitoa wakati akikabadhi soko la Tumbe Wilaya ya Micheweni kwa Mkuu wa Mkoa wa Kaskazni Pemba , ambalo limejengwa na kampuni ya Ngogo ya Iringa na kugharimu zaidi ya shilingi milioni 712.
Aidha waziri jihad amewataka wananchi wa Wilaya ya Micheweni kulitumia soko hilo kwa kufuata mila , silka na tamaduni wa watu wa Tumbe .
“Tunatambua kwamba soko hili
liko sehemu za mkusanyika wa watu wengi kutoka sehemu tofauti za Pemba ,
hivyo basi mnatakiwa kusimamia na kufuata mila , silka na tamaduni za
wenyeji wa hapa ili kusiwepo na mporomoko wa maadili ya jamii ”
alisisitiza Jihad .
Mapema Mkuu wa Mkoa wa Kaskazini Pemba Mhe Omar Khamis Othman
amewashauri wavuvi wa Wilaya ya Micheweni kuhamasishana kulitumia soko
hilo ili liweze kutumika na kukuza uchumi wao na Taifa kwa Ujumla .
Mkuu huyo wa Mkoa
ameitaka Wizara ya Mifugo na Uvuvi kutoa kipaombale cha kwanza kwa
wakaazi wa Tumbe nakushauri kwamba uteuzi wa vijana kujiunga na chuo cha
Uvuvi zielekezwe kwa wakaazi wa Tumbe .
” Hizi nafasi za
vijana kujiunga na chuo cha Uvuvi ambazo Wizara mmeanza kuzitoa
naomba vijana wa Tumbe nao wapewe kipaombele cha pekee ili kuwafanya
wakiridu waweze kuliboresha soko hili ” alishauri Mkuu wa Mkoa .
Akitoa taarifa za ujenzi wa Soko hilo Katibu Mkuu wa Wizara ya
Mifugo na Uvuvi Bw Kassim Gharib Juma amesema kuwa katika kipindi cha
mwaka 2014 jumla ya Tani 30,000 wenye thamani ya bilioni 106 na
wamevuliwa Unguja na Pemba .
Amesema kuwa lengo la
Serikali ni kuwafanya vijana kujiajiri wenyewe kupitia sekta ya Uvuvi na
tuko mbioni kukamilisha mipango ya kuwaandaa wavuvi kuweza kufikia
bahari kuu kwa ajili ya uvuvi .
Ameeleza kwamba hilo
litafikiwa kutokana na azma za Rais Shein za kutoka kuiboresha sekta ya
Uvuvi kwa kuwapatia vifaa na dhana za kisasa za uvuvi ambazo zitawafanya
walitumie eneo la bahari kuu .
Katika
kuadhimisha wiki hiyo Mfuko wa Taifa wa Bima ya Afya ulitembelea kituo
cha watoto yatima cha Aldee Musleem Chidren Centre cha Morogoro , na
kugawa vitu mbalimbali ili kukidhi mahitaji ya kituo hicho vikiwemo
vyandarua, vyakula na vifaa vya shule kama anavyoonekana Kiongozi wa
msafara wa wafanyakazi wa NHIF Bi. Rose Ongara akikabidhi zawadi hizo
kwa mmoja wa viongozi wa kituo hicho Bwana Rajabu Shomari. 
Baadhi
ya watoto wa kituo hicho wakikabidhiwa zawadi hizo na kiongozi wa
msafara kutoka NHIF Bi Rose Ongara pamoja na wafanyakazi wa Mfuko wa
Taifa wa Bima ya Afya mkoani Morogoro. 
Bi.Rose Ongara akifurahi na watoto wa kituo hicho wakati akikabidhi zawadi hizo.
Dk
Hamza Mzige kutoka Hospitali ya Wilaya ya Kisarawe akimpima moja ya
mtoto aliyeletwa kupata huduma katika zoezi hilo lililoendeshwa eneo la
Kibugumu Kigamboni jijini Dar es Salaam.
Mratibu wa huduma hizo, Dk. Ali Mzige (wa kwanza kulia) akitoa huduma kwa wagonjwa katika zoezi hilo.
Mmoja
wa wahudumu wa afya akitoa huduma kwa baadhi ya watoto waliofikishwa
katika zoezi hilo lililoendeshwa eneo la Kibugumu Kigamboni jijini Dar
es Salaam.
Dk Hamza Mzige kutoka Hospitali ya Wilaya ya Kisarawe akitoa huduma kwa mmoja wa wateja wake katika zoezi hilo.
Baadhi
ya madaktari wakitoa huduma kwa baadhi ya watoto waliofikishwa katika
zoezi hilo lililoendeshwa eneo la Kibugumu Kigamboni jijini Dar es
Salaam.
Baadhi
ya wanajumuiya ya wa Jamii ya Watu kutoka nchini India Bengali wa Dar
es Salaam (Bango Sangho) wakitoa baadhi ya zawadi kwa wananchi
waliojitokeza kupata huduma za afya.
Baadhi
ya wanajumuiya ya wa Jamii ya Watu kutoka nchini India Bengali wa Dar
es Salaam (Bango Sangho) wakiwa eneo la Kibugumu Kigamboni jijini Dar es
Salaam inapotolewa huduma hiyo.
Baadhi ya wananchi waliojitokeza kupata huduma za afya bure wakisubiri kuhudumiwa na madaktari.
Balozi
wa India nchini Tanzania, Debnath Shaw (kushoto) akisalimiana na Dk
Hamza Mzige wa Hospitali ya Wilaya ya Kisarawe ambaye ni miongoni mwa
madaktari waliokuwa wakitoa huduma za afya bure kwa watoto wa chini ya
miaka mitano eneo la Kibugumu, zoezi hilo lililoendeshwa na Umoja wa
Jamii ya Watu kutoka nchini India Bengali.
Baadhi
ya madaktari na wahudumu wa afya wakitoa huduma kwa baadhi ya watoto
waliofikishwa katika zoezi hilo lililoendeshwa eneo la Kibugumu
Kigamboni jijini Dar es Salaam.
Baadhi ya wananchi waliojitokeza kupata huduma za afya bure wakisubiri kuhudumiwa na madaktari.
Balozi
wa India nchini Tanzania, Debnath Shaw (mwenye fulana nyeusi) akipewa
maelezo mafupi na Dk. Ali Mzige (wa kwanza kushoto) juu ya zoezi la
utoaji huduma za afya bure kwa watoto wa chini ya miaka mitano eneo la
Kibugumu lililoendeshwa na Umoja wa Jamii ya Watu kutoka nchini India
Bengali. Wengine ni viongozi wa Bango Sangho.
Mratibu wa huduma hizo, Dk. Ali Mzige akizungumza na wanahabari (hawapo pichani) katika zoezi hilo.
Baadhi
ya wanajumuiya ya wa Jamii ya Watu kutoka nchini India Bengali wa Dar
es Salaam (Bango Sangho) wakitoa baadhi ya zawadi kwa wananchi
waliojitokeza kupata huduma za afya.
UMOJA wa Jamii ya Watu kutoka
nchini India Bengali wa Dar es Salaam (Bango Sangho) wametoa huduma za
afya bure kwa watoto wa chini ya miaka mitano eneo la Kibugumu lililopo
Kigamboni jijini Dar es Salaam.
Zaidi ya watoto 100 wamepatiwa
huduma mbalimbali za afya ikiwemo huduma za vipimo na ushauri, huduma za
afya ya kinywa na meno na pia kufanyiwa ukaguzi na ushauri wa lishe
suala ambalo limekuwa na changamoto kubwa kwa familia.
Akizungumza na waandishi wa habari
katika eneo la tukio, Mratibu wa huduma hizo, Dk. Ali Mzige ambaye ni
daktari wa watoto amesema Bango Sangho wameamua kuendesha zoezi hilo ili
kuwasaidia baadhi ya familia ambazo zimekuwa zikipata changamoto kwa
magonjwa anuai yanayowashambulia watoto.
Alisema zoezi hilo limeendeshwa
bure chini ya uratibu wa Umoja wa Jamii ya Watu wa India, Bengali ikiwa
ni utaratibu wao wa kujitolea kusaidia jamii katika masuala mbalimbali
yanayowakabilia. Alisema mbali ya huduma za vipimo ushauri na huduma za
kliniki wazazi pia walipewa ushauri stahiki wa kiafya kwa watoto wao ili
kukabiliana na magonjwa nyemelezi yanayowaathiri watoto.
Akifafanua zaidi juu ya zoezi
hilo, Dk. Mzige alisema idadi kubwa ya watoto waliopatiwa huduma eneo
hilo wamebainika kuwa na upungugu wa wekundu wa damu pamoja na upungufu
wa uzito jamboa ambalo linaathiri hali ya ukuaji wao kiafya.
Alisema waliobainika kuwa na
matatizo makubwa kiafya wamepewa rufaa kwenda hospitali za juu kwa
msaada zaidi wa kiafya. Alisema pamoja na mambo mengine wanawashauri
wazazi kuwatairi mapema iwezekanavyo watoto wa kiume ili kuzuia
uwezekano wa kupata maambukizi kwenye njia ya mkojo.
“…Kwa watoto wa kike tunawashauri
mama zao wawasafishe mara kwa mara wanapojisaidia…wengine wanafunga
pampasi lakini inakaa muda mrefu inakuwa na unyevu jamboa ambalo
linaweza kumsababishia mtoto kupata UTI…maambukizi kwenye njia ya mkojo
kwa hiyo hili ni suala ambalo wazazi tunawaelekeza ili kupunguza
maambukizi ya magonjwa kwa watoto,” alifafanua Dk. Mzige.
Aidha alisema mtoto anapopata
maambukizi ya mara kwa mara yanamuathiri katika ongezeko la uzito na
kukosa hamu ya kula jambo ambalo ni hatari kiafya kwa watoto wengi.
Miongoni mwa madaktari waliokuwa wakitoa huduma hizo ni pamoja na
wataalamu wa afya ya kinywa na meno, madaktari wataalamu wa watoto
pamoja na wataalamu wa vipimo vya maabara.
Kwa upande wake Mwenyekiti wa
Bango Sangho Dar es Salaam, Amit Nandi alisema wameamua kutoa huduma
hilo eneo la nje ya Dar es Salaam ili kutoa fursa kwa wananchi wenye
kipato cha chini kupata huduma za afya bure na karibu jambo ambalo
litasaidia kupunguza gharama na mzigo kwao.
Alisema huduma hizo za afya
huzitoa kila mwaka bure kwa jamii ikiwa ni mchango wao kwa jamii ya
kawaida ili nayo iweze kupata huduma za afya ambazo zimekuwa changamoto
hasa maeneo ya vijijini na nje ya miji. Jamii ya Bango Sangho pia
wamesaidia ujenzi wa shule ya msingi na awali ya Kibugumu ikiwa ni
mchango kwa jamii.
